要考好 HKDSE 必須用 by topic 嘅模式操練 DSE Past Paper 。
點解操 dse past paper 一定要 by topic 咁做？因為只要咁做，你先可以深入了解每一個課題 HKEAA 考評局嘅考核重點係d咩。下面我會再仔細講解當中溫書操卷5個技巧以及相關注意事項。
技巧 (一)：同一個課題，一次過睇至少15條 CE / DSE 題目去分析考核重點
如果你 by year 咁去操 dse past paper，每次剩係睇一個課題嘅一條題目學到嘅嘢其實唔多，而且無分析價值，你都好難分析到嗰一個課題嘅考核重點。
但係，當你用 by topic 去操 dse pastpaper 嗰陣，你會一次過睇一個課題嘅10-20條題目。你會見到有啲題目隔幾年又出現番一次，重覆又重覆，呢個就係你要注意嘅地方。透過操 dse by topic past paper，你可以清楚睇到考評局 DSE 熱門考核內容及題目。咁嘅話，你就更容易明白每個課題考評局鍾意考d咩。
技巧 (二)：做至少 20 年 Past Paper (CE + DSE，由2000年開始做起)
考評局出卷模式傾向抄歷屆試題，所以操卷時做20年係必須的。視乎翻個科目，好多科目主要做會考 CE 卷同 DSE 卷都足夠。有一少部分科目就要多少少高考 AL 卷。做夠20年，基本上你已經睇到晒嗰一個課題出咩問題同埋需要答嘅答案係啲咩。
但同學仔注意，只係靠操 PP 係唔夠嘅，你仲需要額外嘅 DSE 資源幫你備戰。NoteSity 為你搜羅不同導師及出版社的高質 DSE 筆記、補充練習與參考書，一個平台匯聚你需要嘅所有 DSE 資源，等你可以方便訂購。你可以去睇睇了解更多，有唔明可以 IG DM @notesity.hk 問問！
BChui 獨家優惠：於 NoteSity 網上書店首次購物滿 HK$200, 輸入優惠碼「bchuihkdse」，即可享全單額外減 HK$25 優惠！
最後最後，我哋會定期喺 Instagram @notesity.hk 分享 DSE Study Tips，唔想錯過嘅你就一定要 follow @notesity.hk 呀！
技巧 (三)：每一次做至少一個 CE / DSE Past Paper 課題嘅一半
我唔建議大家分開好多次去一個 topic 嘅 dse by topic past paper 題目，咁樣冇咗做 by topic 個意義。所以，每一次操卷嘅時候大約用兩至三個鐘，至少要做夠一個課題嘅一半 by topic 題目。
技巧 (四)：做一條對一條 CE / DSE Past Paper
操卷時，我建議你做一條然後即刻對答案，增加學習效能。如果做晒一個課題嘅所有題目先對卷，你會一次過發現自己錯d咩，冇機會畀自己再試下做答。
相反，當你做一條第一條嘅時候，你可以即刻了解自己啱啲咩錯啲咩，學識咗之後點樣做嗰一類嘅問題。當你做下一年遇到同樣嘅題目嘅時候，你已經學識咗點樣作答，仲可以答得更準確。
技巧 (五)：整理少許筆記，為考 DSE 作準備
為咗可以加深記憶，我建議大家整少少筆記，寫低每一個課題嘅考核重點，以及常犯錯誤。你唔一定要自己由頭整d notes，你可以喺學校老師畀嘅 notes / 教科書上再額外補充，最緊要係方便到自己之後溫書。
學習高效能讀書及考試方法
要考好 HKDSE 必須用 by topic 嘅模式操練 DSE Past Paper。要考好DSE你唔需要好聰明，你需要嘅係 (1) 一個適當嘅學習方法、 (2) 有效率嘅 DSE 應考策略 以及 (3) 勤力嘅態度。
我會慢慢教你各種技巧，以及分享我考DSE嘅經歷。所以我希望可以同你 keep 住聯絡，陪你考好 HKDSE 。
- Follow 我嘅 Instagram @bchuihkdse，我會分享好多考好DSE嘅讀書資訊！
- Click 呢度 同我分享關於你嘅學習問題，我會定期分享唔同類型嘅 DSE 免費資源同讀書 Tips 畀你。
P.S. 如果你讀緊中五或者嚟緊升中五，你可以試試 Predict 自己嘅 DSE Grade。
P.P.S. 如果你讀緊中六或者嚟緊升中六，學曬所有課題，當你做 Past Paper 嗰陣，你可以睇睇 2018 DSE Cut Off 分數 (全部科目)。