免費下載 DSE English Past Paper (CE+DSE+AL 連答案)

on

要考好 DSE English 英文,操練英文 Eng Past Paper 係必須嘅。所以我為大家喺唔同網上嘅去到搜羅咗 歷屆 DSE 英文 Pastpaper 試題 (CE + DSE + AL)由 Sample Paper 到 2019 年都有,有助大家備戰 HKDSE English Language 呢一科。

dse-english-past-paper-downloads-下載

P.S. 喺你碌落去之前,記住 Follow 我嘅 Instagram @notesity.hk 同 @bchuihkdse,我會分享好多考好DSE嘅讀書資訊!

P.P.S. 記住 Click 呢度 留低你 Email ,我會定期分享唔同類型嘅 DSE 免費資源同讀書 Tips 畀你。

重要:以下 HKDSE 英國語文 English Language 資源連結皆轉自不同網頁,本人沒有持有任何相關資源。本人在網站加上連結是為了方便同學搜集相關資源,且作為學習用途,而非商業用途。如有資源涉及版權問題,請版權持有人與我們聯絡,我們在確實相關版權後會移除相關連結分享,不便之處,敬請原諒。

目錄 (DSE Eng Past Paper Download / DSE 英文卷下載):

  1. [DSE By Year] HKDSE English Language By Year 文憑試
  2. [CE By Year] English CE 會考 By Year
  3. [CE By Topic] English CE 會考 By Topic
  4. [AL By Year] English AL 高考 By Year
  5. [AL By Topic] English AL 高考 By Topic
  6. DSE 英文 Past Paper 操練方法

1. [DSE By Year] HKDSE English Language By Year 文憑試 Question Paper 題目 + Answers/Marking Scheme (SP, PP, 2012-2019) (英文卷四份分卷下載)

小編建議你中五嗰陣先開始做 DSE English Past Paper,目標係將所有 DSE Paper 操至少兩轉 (Paper 1 & 3)。

而講起作文,小編建議大家要慢慢建立好個英文語文基礎,除咗keep住閱讀英文文章之外,你仲需要去學好以下範疇:

  • Useful Phrases, Idioms & Proverbs
  • Common Mistakes 常犯寫作錯處
  • Sentence Structures
  • English Vocabulary
  • 仲有好多好多…

唔好睇少每一樣,呢d 真係英文嘅 building blocks,需要去慢慢去學。小編知道坊間出版社唔少參考書嘅質素一般,所以小編為大家搜羅咗唔同英文高手嘅 DSE 英文精讀/作文筆記(在 Notesity 平台),學習佢哋 5** 嘅英文學習及作文方法,然後邊睇邊學邊keep住作文。

閱讀高質筆記:中文筆記 | 英文筆記 | 通識筆記 | Bio 筆記

如果你覺得我幫到你,希望你可以 Follow 我嘅 Instagram @bchuihkdse,我會分享好多考好DSE嘅讀書資訊畀你!

2. [CE By Year] English CE 會考 By Year Question Paper 題目 + Answers/Marking Scheme (英文卷四份分卷下載)

另外,如果有興趣,你可以 Click 呢度 留低你 Email ,我會定期分享唔同類型嘅 DSE 免費資源同讀書 Tips 畀你。

3. [CE By Topic] English CE 會考 By Topic Question Paper 題目 + Answers/Marking Scheme (英文卷四份分卷下載)

4. [AL By Year] English AL 高考 By Year Question Paper 題目 + Answers/Marking Scheme (英文卷五份分卷下載)

5. [AL By Topic] English AL 高考 By Topic Question Paper 題目 + Answers/Marking Scheme (英文卷五份分卷下載)

6. DSE 英文 Past Paper 操練方法

操操下 DSE English Past Paper,你會發覺其實考英文似係玩緊一個「遊戲」,當中有一d 「game rules」,只要跟住玩,要考 level 4 唔難。做一年 paper 未必覺,但當你做 3-4 年嗰陣,你就會發覺。 所以我整合咗各個網站的網上資源連結,由 CE 到 DSE 到 AL,By Topic 和 By Year都有,方便大家搵齊 PP 開工。

除咗小編之外,今次仲有 DSE High Banana 分享英文科應試心得!

操練 Paper 1 + Paper 3

我建議大家先用 By Paper 的方式操 Paper 1 + Paper 3,記住唔好只係做一次,每年嘅 Paper 1 同 3 至少做 2 次。做嘅時候,你會發覺超過一半甚至 7 成嘅答案都係可以喺 Reading Passage / Data File 裡面抄到。所以你要慢慢學下嘗試揾下d答案出現嘅位置,抄個答案出來。知道大家未必咁明,小編會慢慢講解。

a) Keyword / Synonyms 概念

考 DSE 英文本身唔需要大家有「原創性」;Paper 1 / Paper 3 大家只要識跟 d 規矩玩,抄啱要抄嘅地方就有分拿。小編跟住會比個例子。

簡單而言,抄 point 分為 3 個 Steps:

  1. 第一步係睇睇條題目用咩字眼 (keywords) 問你問題;
  2. 第二步就係要喺 Reading Passage / Data File 揾到問題用嘅字眼 exact keywords (用 exactly 一模一樣嘅字眼) 或者呢個字眼嘅 synonyms (同義詞) 嘅位置;
  3. 佢嘅附近隔離左右就會見到答案

例子:2012 PP Part A Q7

以 2012 PP Part A Q7 “Cafe specialising in board games are popular in…” 為例,問題問緊你 board game cafe 喺邊個國家好流行。

只要你睇到第 7 段就出現一段超級類似嘅 sentence —— “Cafes specialising in parlour games have caught on in South Korea and China.”

如果你明白小編上面講睇 exact keyword + synonyms 嘅意思,你就發覺答案就喺附近。

Exact keywords:

問題字眼:”Cafe specialising in…”

Reading Passage:”Cafe specialising in…”

Synonyms (問題字眼:”Cafe specialising in board games are popular in…”):

  • “board games” = “parlour games” in reading passage (小編本身都唔識 “parlour” 呢隻字,但係睇文章前文後理會 get到 “parlour games” 係同 “board games” 好有關係/意思相近
  • “popular” = “have caught on” in reading passage (呢個真係考dd 英文,因為你都要知 “caught on” 解 “become popular”)

如果你做到 step 2,你就會知條問題嘅答案就係 “China and South Korea”。

做 Paper 1 + Paper 3,試下用 “keyword” + “synonyms” 呢個方法揾答案,會幾幫到手。無論係 Reading 定係 Listening 定係 Integrated Skills,其實都係玩緊呢樣野…

b) 仔細操 PP + 對答案

每次幫自己對卷嘅時候細心研究自己點解會錯、多數錯喺邊度。所以對卷你需要以下 materials:

  • Marking Scheme
    • 對答案,mark低自己漏左d咩points
    • 仔細研究marking scheme,不斷反覆思考點解自己答錯,點解自己寫 XXXX,但係 XXXX 唔係 Marking Scheme 答案;
    • 思考點解 YYYY / ZZZZ 係 Marking Scheme 答案,會唔會係因為你以為d points廢?或者個point太遠?點解呢d睇落廢嘅points都要include入data file果到?
    • 而 YYYY / ZZZZ 喺Reading Passage / Data File 抄唔抄到。小編覺得如果抄唔到都算… 如果明明有得抄但抄唔到,呢個就好唔抵
    • 呢個係訓練自己去理解考評局出題邏輯,理解咩係考評局眼中的答案。你越仔細研究份marking,你嘅得著越多,可以發現好多隱藏嘅搵 point skills,同埋發現自己嘅常犯錯誤
  • Tapescript (Listening) / Data File (Integrated Skills) / Reading Passage (Reading)
    • 承上,你一定一定要用 Data File / Reading Passage 搵搵個答案位置,然後睇睇答案前後有無咩 “keywords” / “synonyms” hint 你話比你知答案就喺附近。

c) 如果係溫 Paper 3,你仲額外需要…

如果要處理好 Paper 3 Coherence/ Appropriacy / Organisation / Language 嘅 requirement,你都真係要keep住睇 marking,同埋睇下考評局嘅 comment,睇下佢話d 考生有咩做得唔好。

除左做 pp 之外,小編同 DSE High Banana 建議大家去搵唔同文體嘅format,例如 report、email、article etc,睇番唔同文體嘅requirement,咁寫果d integrated skills嘅時候都得心應手,所以考之前最好都睇熟曬唔同genre嘅要求啊!

操練 Paper 2

a) 自製 vocab book,善用英文筆記

相信同學都試過睇新聞、睇書或者行街嗰陣見到一啲有用嘅英文生字,查完字典之後好快就唔記得個字點解,於是好似成日見到新嘅字但係學唔到好多。有人會話:「查完一次唔記得咪查第二次囉,查到自己記得為止。」

但係咁做會花好多嘅時間,所以小編建議大家每次見到一個實用嘅英文生字即刻記低佢,每日記大約5個。當然,同學唔會隨時隨地帶紙筆出街抄低啲生字,所以小編嘅做法係每次見到新嘅生字都會打喺iPhone嘅notes度,大概一星期清一次,將入面嘅生字抄返落自己嘅筆記度。

好似上面 Paper 1咁講,小編建議大家培養每日抄寫vocab嘅習慣。除非同學有過目不忘嘅能力,否則同學每次學完一個新嘅生字都好容易唔記得。所以小編建議大家開一本簿,將自己學過嘅英文生字抄落去,定期睇返入面嘅生字加深記憶。

小編讀過中學都明白高中嘅同學會好忙,未必有時間自己儲大量嘅英文生字,所以小編都搜羅咗好多英文筆記俾大家參考吓。建立自己嘅 vocab bank,對任何一份 Paper 都會有幫助。

閱讀高質筆記:中文筆記 | 英文筆記 | 通識筆記 | Bio 筆記

b) 讀完之後要練習…

想更加能夠學以致用,小編建議同學抄完或者買完vocab筆記之後,應該嘗試就每一個英文生字試吓作句,作完之後寫返起個生字隔離。因為同學試過自己作句之後會比較熟悉啲英文生字點樣用,以後作文有機會用到嘅時候都會醒起個生字,作文嗰陣用嘅生字自然多啲,咁做比起死記硬背會有效好多。

而操練作文方面,小編建議由中五開始可以每個月作一篇文,等自己keep住有「 閱讀 input」時都有「作文output」,呢個最緊要。如果老師唔介意,你可以將你作嘅文畀老師批改,咁就可以keep住拿到更多 feedback啦!

另外,你要從自己嘅文搵出一D經常用到嘅字眼,然後再搵佢嘅同義詞或者類近嘅意思,去豐富你嘅詞庫 (vocabulary bank),避免係同一篇文反覆用同一個字,同時要 show 比 marker 睇你嘅詞彙嘅多樣性。小編建議你盡量將平時最經常出現嘅詞彙準備更多 variation,咁就更加容易學以致用,而且咁樣 language 會容易d拿到好嘅分數。

c) 處理好作文嘅 Organisation

除咗 Content 同 Language 之外,處理 Organisation 都好緊要。

首先,一定一定要落筆之前寫好個大綱!大綱通常用5-10mins左右寫好。你要 plan 好你每一段要寫咩先好開始!咁先可以make sure你個 logic flow 合理同埋 coherent。

跟住呢,就係寫嘅時候要記得你寫呢篇文嘅背景、目的係咩,同埋盡量成篇文都緊扣番個背景。

開頭結尾可以做個首尾呼應,段與段之間要多 d linkage,例如新一段你可以寫 Besides xxx (上一段嘅point), yyy(新一段嘅point) is also… / Apart from xxx, yyyyy…..。Intro 最好有個 preview,conclusion 最好 summarize 番你之前講過嘅points。

如果你係寫 article / essay 嘅話,你個 article/essay 有個好嘅 title 會幫到你,尤其係你個title、開頭、結尾都最好互相呼應。以 DSE High Banana 嘅 19 年 dse 5** 嘅paper2為例,題目寫一條關於引入international talents 嘅好處或壞處嘅題目,而佢嘅 title就係 “International Talents — A Double-Edged Sword” ,然後佢 intro 同結尾都有寫番 double-edged sword落去。

每一段要有齊topic sentence同conclusion,你要 make sure 你果一段 elaborate嘅野係同你topic sentence 寫嘅野一致,唔少同學明明 topic sentence 寫緊A,但係果段嘅內容係寫 B,呢個係好大嘅致命傷。

小編仲有其他文章…

如果要由中六急起直追,DSE Eng 由 0 追上 Level 4+,你需要善用每一刻,將時間投資去適合嘅地方。如果你依家只係 中三 / 中四 / 中五,你仲有好多時間去學好英文,考好 HKDSE 英文科。如果考慮補習,不妨參考一下我寫嘅 DSE 英文科補習導師評價及推介

中四 / 中五嘅你,慢慢學習點樣去估計自己 DSE Grade,知道自己強項弱項係咩,咁對你計劃你嘅 Study Plan 好有幫助。

中六嘅你,操 paper 嗰時到有去學睇 Dse Cut Off,咁先知道自己水平去到邊。之前我收集咗 2019 DSE Cut Off 同埋 2018 DSE Cut Off 畀大家參考一下。

如果想睇埋其他科嘅資源,歡迎去 DSE Past Paper (CE+DSE) 資源整合 睇更多。

以上 HKDSE 英國語文 English Language 資源連結皆轉自不同網頁,本人沒有持有任何相關資源。請緊記所有 DSE Pastpaper 版權屬香港考試及評核局所有,下載後請於 24 小時內刪除。下載的 DSE Pastpaer 僅用於教學用途,因此造成的任何責任與本網站無關。

閱讀更多: